ЗАЦВЯРДЖАЮ
Дырэктар дзяржаўнай
установы адукацыі
“Варанёўская сярэдняя школа”
Т.Ю.Савашынская
18.10 2021
Палажэнне
аб бацькоўскім універсітэце
Ι. Агульныя палажэнні
- Дадзенае палажэнне ўсталёўвае мэту, асноўныя задачы і парадак функцыянавання бацькоўскага ў ніверсітэта (далей - універсітэт).
- Мэта ўніверсітэта – стварэнне ўмоў для павышэння бацькоўскай кампетэнтнасці, гарманізацыі дзіцяча-бацькоўскіх адносін у сям'і.
- Асноўныя задачы, якія вырашаюцца ў рамках універсітэта: - стварыць сістэму бесперапыннага псіхолага-педагагічнай адукацыі бацькоў і спрыяць фарміраванню ў іх бацькоўскіх кампетэнцый, якія адказваюць выклікам часу; - садзейнічаць павышэнню адказнасці бацькоў за выхаванне дзяцей і пашырэнню іх прававых ведаў; - папулярызаваць станоўчы вопыт сямейнага выхавання.
- У сваёй рабоце ўніверсітэт кіруецца: - Кодэксам Рэспублікі Беларусь аб адукацыі; - Кодэксам Рэспублікі Беларусь аб шлюбе і сям'і; - Інструктыўна-метадычным пісьмом Міністэрства адукацыі Рэспублікі Беларусь “Асаблівасці арганізацыі сацыяльнай, выхаваўчай і ідэалагічнай работы ва ўстановах агульнай сярэдняй адукацыі ў 2021/2022 навучальным годзе”; - дадзеным Палажэннем; - іншымі нарматыўнымі прававымі актамі Рэспублікі Беларусь, метадычнымі матэрыяламі Міністэрства адукацыі Рэспублікі Беларусь.
- Універсітэт знаходзіцца ў непасрэдным падначаленні дырэктара школы.
- Кiраўнiцтва работай універсітэта ажыццяўляе намеснік дырэктара па вучэбна-выхаваўчай рабоце (рэктар універсітэта).
- У склад універсітэта ўваходзяць 4 кафедры: - кафедра прававых ведаў; - кафедра узроставай і сямейнай псіхалогіі; - кафедра педагогікі; - афедра канструктыўнага ўзаемадзеяння.
- Кіраўніцтва кафедры ажыццяўляе на грамадскіх пачатках педагагічны работнік (загадчык кафедры), якому дадзеная функцыя прызначана загадам дырэктара школы.
- На афіцыйным інтэрнэт-сайце ўстановы адукацыі ствараецца рубрыка “Бацькоўскі ўніверсітэт” з магчымасцю інтэрактыўных зносін мэтавай аўдыторыі. Адказнасць за рубрыку ажыццяўляе настаўнік інфарматыкі, якому дадзеная функцыя прызначана загадам дырэктара школы.
II. Дзейнасць універсітэта
- Арганізацыя адукацыйнага працэсу ва ўніверсітэце ажыццяўляецца зыходзячы з запытаў бацькоў і законных прадстаўнікоў непаўналетніх.
- Навучальны год ва ўніверсітэце пачынаецца з 20 кастрычніка і заканчваецца не пазней за 30 мая навучальнага года і складаецца з 4-х сесій: 1-я сесія – кастрычнік-лістапад; 2-я сесія – снежань-студзень; 3-я сесія – люты-сакавік; 4-я сесія – красавік-май.
- Тэматыку заняткаў ва ўніверсітэце распрацоўваюць загадчыкі кафедр з улікам запытаў бацькоў і законных прадстаўнікоў непаўналетніх.
- Да правядзення заняткаў ва ўніверсітэце могуць прыцягвацца на добраахвотных пачатках выкладчыкі, педагогі, выхавальнікі, спецыялісты розных абласцей, а таксама прадстаўнікі бацькоўскай грамадскасці, якія з'яўляюцца прызнанымі спецыялістамі ў сваёй прафесійнай дзейнасці. Кадравыя рэсурсы фарміруюцца кіраўніцтвам бацькоўскага ўніверсітэта пры падтрымцы дырэктара школы.
- Навучанне бацькоў можа ажыццяўляцца як у вочнай, так і ў завочнай (дыстанцыйнай) формах. 15. Навучанне бацькоў арганізуецца па цыклах: - I цыкл – для бацькоў вучняў, якія навучаюцца на I ступені агульнай сярэдняй адукацыі; - II цыкл – для бацькоў вучняў, якія навучаюцца на IІ ступені агульнай сярэдняй адукацыі; - III цыкл – для бацькоў вучняў, якія навучаюцца на ІІI ступені агульнай сярэдняй адукацыі;
- Вочная форма навучання складаецца з 2-х модуляў: базавы і варыятыўны.
- Базавы модуль ўтрымлівае абавязковыя для навучання 4 курсы: - I. Асновы прававых ведаў; - II. Асновы узроставай і сямейнай псіхалогіі; - III. Асновы педагагічных ведаў; - IV. Асновы канструктыўнага ўзаемадзеяння.
- Курсы базавага модуля вядуць толькі спецыялісты, якія маюць прафесійную адукацыю.
- Варыятыўны модуль прадугледжвае навучанне “Бацька-бацька”. Вядучымі курсаў дадзенага модуля з'яўляюцца самі ініцыятыўныя бацькі, якія з'яўляюцца высока кваліфікаванымі спецыялістамі ў якой-небудзь прафесійнай або прыкладной дзейнасці.
- Пры адсутнасці кваліфікаваных спецыялістаў па асобных кірунках навучання можа выкарыстоўвацца завочная (дыстанцыйная) форма навучання. Дыстанцыйная форма навучання ўжываецца і ў выпадку пагаршэння эпідэміялагічнага становішча і, у сувязі з гэтым, забароны вочных сустрэч з бацькамі.
- Заняткі ва ўніверсітэце могуць быць арганізаваны ў выглядзе тэарэтычных семінараў, семінараў-практыкумаў; дыскусійных заняткаў ( “круглы стол”, дыспут, дэбаты і інш.); трэнінгавых заняткаў; дзелавых і ролевых гульняў, педагагічных чытанняў і інш.
- Па заканчэнні навучальнага года пры ўмове наведвання ўсіх заняткаў цыклу бацькі атрымліваюць электронны сертыфікат устаноўленага установай адукацыі ўзору.
III. Удзельнікі бацькоўскага універсітэта. Іх правы і адказнасць.
- Усе ўдзельнікі бацькоўскага ўніверсітэта раўнапраўныя і могуць уносіць прапановы па ўдасканаленні арганізацыі і зместу заняткаў; актыўна ўдзельнічаць у рабоце ўніверсітэта; пашыраць тэматыку навучальных модуляў.
- Адказнасць за арганізацыю, падрыхтоўку і правядзенне заняткаў, інфармаванне бацькоў аб працы ўніверсітэта нясуць загадчыкі кафедр і рэктар.
- Усе ўдзельнікі ўніверсітэта абавязаны кіравацца агульнапрынятымі нормамі культуры паводзін.
IV. Дакументацыя ўніверсітэта
- Ва ўніверсітэце прадугледжана наяўнасць наступных дакументаў:
- копія загаду аб арганізацыі бацькоўскага ўніверсітэта;
- Палажэнне аб бацькоўскім універсітэце; - план работы бацькоўскага ўніверсітэта;
- формы анкет для бацькоў; - узор электроннага сертыфіката, усталяванага установай адукацыі ўзору.